Mi tin un soño …
Mi tin un soño ku mi nashon tin un ekonomia próspero, ku na tur nivel di nos tera tin desaroyo tantu finansiero komo sosial.
Ku tin bon edukashon pa nos hubentut. Pa tur hende na fin di dia tin barika yen i perspektiva riba un mihó futuro.
I ademas ku nos tin konfiansa den nos gobièrno. Ku a sali dilanti lidernan berdadero ku a kore ku oportunista ku ya pa años kaba ta sòru pa dividishon den nos pueblo.
Lidernan ku ta surpasá interes personal òf di nan partido. Ku tin vishon i determinashon pa guia nos pais den bon direkshon.
Hende ku ta respetá otro i ku ta tene nan mes na balornan i normanan. Nan ta pone interes general dilanti. Nan ta sòru ku tin union den nos pais.
Mi tin speransa ku e soño akí un dia lo bira realidat.
Yamami inosente, yamami un soñadó … tòg esaki ta algu ku mi ta dispuesto pa lucha pe .. ta algu mi ta kla pa sakrifiká pe.
Derek (un suidadano)